Fullscreen mode 360 Degrees
Esser al puls
dal Grischun
Mes univers per 360°!
S'annunziar ussa

EmprendistA commerzialA
100%, Cuira

RTR è la chasa da medias per la Svizra rumantscha e l'adressa per infurmaziuns actualas, novitads regiunalas, sport e divertiment.

Quai è tia lavur

  • lavurs administrativas da tut gener per ils secretariats da direcziun e dal program
  • gestiun da debiturs e manar la cassa tar la partiziun finanzas
  • preparar sesidas e scriver protocols
  • servetsch da telefon e contact cun clients al retschaviment
  • agid tar occurrenzas ord chasa, p.ex. stan da FIUTSCHER
  • invista (sistem da rotaziun) en differentas partiziuns da RTR: program, communicaziun, persunal, contabilitad

Quai fa ora tai

  • abilitad da lavurar en in team sco era la prontadad da lavurar autonom
  • surprender responsabladad
  • motivaziun da sa sviluppar e professiunalisar cun sustegn da RTR
  • plaschair da la lingua rumantscha e da duvrar ella en la vita professiunala

Quai fa ora nus

  • in bun clima da lavur en in team motivà
  • ina lavur variada e captivanta en ina branscha fitg dinamica
  • lavur en in'interpresa moderna, innovativa e sociala
  • ina schanza unica per fitgar pè en il mund da lavur
  • cumenzament da l'emprendissadi: avust 2021
In emprendissadi commerzial tar RTR porscha sguards captivants davos las culissas da l'unica chasa da medias rumantscha. Daventa era ti ina part da noss team. Mes univers per 360°!

Andrina Caprez, responsabla stab da direcziun

Mes univers per 360°!

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta. Nus essan: Mes univers per 360°!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Nossa posiziun

CONTACT

Anc dumondas?

davart la plazza
Andrina Caprez
Responsabla stab da direcziun
058 136 30 21

davart il process d'annunzia
Daniel Wasescha
Responsabel resursas umanas e contabilitad
058 136 30 27

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: