Fullscreen mode 360 Degrees
Ina lavur captivanta
e varianta
Mes univers per 360°!
S'annunziar ussa

Redactura / redactur Reflexiun radio
50-80%, Curia

RTR è la chasa da medias per la Svizra rumantscha e l'adressa per infurmaziuns actualas, novitads regiunalas, sport e divertiment.

Quai è Tia lavur

  • rinforzar la squadra Reflexiun radio che realisescha saja emissiuns d'approfundaziun emnilas sco era audios e podcasts per noss chanals online
  • rapportar davart dumondas eticas e tendenzas actualas ord il mund da las religiuns per l'emissiun "Vita&cretta"
  • concepir e realisar reportaschas, serias e formats pli lungs per l'emissiun "La Marella" sco era eventuals podcasts

Quai fa ora Tai

  • ina buna scolaziun da basa e savida generala
  • solidas enconuschientschas d'in idiom rumantsch
  • avair mirveglias per s'approfundar en tematicas grischunas e rumantschas
  • interess e la capacitad da sviluppar e realisar emissiuns era en maniera autonoma
  • esser interessà vid in lartg spectrum tematic: economia, societad, etica e religiun, politica e cultura
  • avair in'affinitad per la lavur cun tun, text e maletg – cun avantatg experientscha en il far radio

Quai fa ora nus

  • RTR è al puls da l'actualitad
  • ina lavur captivanta e varianta
  • scolaziun e furmaziun stattan nus a cor
  • in bun clima da lavur en in team motivà
  • lavur en in'interpresa moderna ed innovativa
  • salarisaziun e prestaziuns socialas tenor il contract da lavur collectiv da la SRG SSR
  • termin d'annunzia: 05-06-2020
Grazia a mia lavur hai jau il privilegi d'avair invistas en autras vitas e munds per part cumplettamain novs. Pudair ma fatschentar cun questas istorgias, experientschas e fatgs per lura suenter preschentar e raquintar da quests inscunters, quai è mintga giada in'aventura. Mes univers per 360°!

Guadench Dazzi, producent redacziun reflexiun

Mes univers per 360°!

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta. Nus essan: Mes univers per 360°!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Nossa posiziun

CONTACT

Anc dumondas?

davart la plazza
Guadench Dazzi
Producent redacziun reflexiun
058 136 30 78

davart il process d'annunzia
Daniel Wasescha
Responsabel resursas umanas e contabilitad
058 136 30 27

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: