Coordinatura / Coordinatur events e marketing
60-100%, Cuira
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran sur 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Nus tschertgain ina coordinatura u in coordinatur events e marketing per rinforzar la squadra da communicaziun e marketing.
Tias incumbensas
- crear, planisar e realisar occurrenzas ed events – interns ed externs
- esser al lieu, represchentar RTR e dar vita a nossa marca
- far enconuschent e vender nossa purschida da radio, tv ed online
- sviluppar e realisar mesiras da marketing e communicaziun
- manischar projects en collavuraziun cun tut las redacziuns en chasa
Uschia ans intgantas ti
- talent d'organisaziun ed amur per il detagl
- scolaziun ed experientscha en il sectur d'event ubain marketing
- ideas creativas e plaschair da realisar ellas
- in flair per la lingua (rumantsch e tudestg)
- interess ed affinitad per las medias socialas
- plaschair d'esser communicativ:a e tgirar il dialog cun noss public
Uschia t'intgantain nus
- projects variads e eveniments per tuttas generaziuns – da festas d'uffants, ad openairs fin tar premieras da film
- spazi per esser creativ, innovativ e lavurar autonom
- pussaivladads da scolaziun e furmaziun
- temp e models da lavur flexibels
- in team avert, motivà e cun bun spiert
Cumenzament tenor cunvegna.
Ti' annunzia prendain nus gugent encunter fin ils 30-04-2026.
Nus essan là nua che noss public è. Ensemen cun tai concepin, realisain e promovain nus occurenzas e purschidas uschia multifaras sco noss public. Nus enconuschain noss public e ses interess ed ans engaschain da correspunder a quests basegns.
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Tamara Deflorin
Scheffa communicaziun e marketing
+41 58 136 30 23
davart il process d'annunzia
Flurina Foppa
Manadra resursas umanas
+41 58 136 31 08
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
