EmprendistA commerzialA
100%, Cuira
RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.
Quai è tia lavur
- mintg'onn lavuras ti per in'autra partiziun da RTR: program, marketing e communicaziun, persunal e contabilitad
- ti fas differentas lavurs administrativas per la direcziun ed il program
- ti has contact cun clientas e clients al retschaviment, per telefon e per mail
- ti ta participeschas e gidas tar events ed occurrenzas en l'entir chantun
Ulteriuras infos
Ti pos far u il profil E ubain M (cun matura professiunala)
Branscha: servetschs ed administraziun
Quai porschas ti
- ti has gust da surprender responsabladad
- ti es motivada/motivà da sa sviluppar ed emprender, cun sustegn da RTR
- ti has plaschair da la lingua rumantscha e da duvrar ella en la vita professiunala
- ti lavuras gugent en in team ed es pronta/pront da lavurar autonom
Quai purschain nus
- bun clima da lavur en in team motivà
- lavur variada e captivanta en ina branscha fitg dinamica
- lavur en in'interpresa moderna, innovativa e sociala
- schanza unica per fitgar pè en il mund da lavur
- cumenzament da l'emprendissadi: avust 2024
In emprendissadi commerzial tar RTR porscha sguards captivants davos las culissas da l'unica chasa da medias rumantscha. Daventa era ti ina part da noss team.
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Irina Beer
Assistenta dal directur
+41 58 136 31 46
davart il process d'annunzia
Daniel Wasescha
Responsabel resursas umanas e contabilitad
+41 58 136 30 27
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
