EmprendistA informatica (svilup da plattafurmas)
100%, Cuira
RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.
Tge è tia lavur?
- installar hardware e software
- planisar e realisar lavurs d'informatica
- porscher support d'informatica en chasa RTR
Quai fa ora tai
- matematica ed englais èn tias fermezzas en scola secundara
- grond interess vid informatica e novas tecnologias
- bun patratgar logic-abstract ed ina affinitad tecnica
- abilitad da lavurar en in team
- motivaziun da sa sviluppar e professiunalisar cun sustegn da RTR
- plaschair da la lingua rumantscha e da duvrar ella en la vita professiunala
Quai fa ora nus
- RTR è al puls da l'actualitad
- ina lavur captivanta e varianta
- scolaziun e furmaziun stattan nus a cor
- bun clima da lavur en in team motivà
- lavurar ed emprender en in'interpresa moderna ed innovativa
- cumenzament da l'emprendissadi: avust 2024
Sche bits e bytes fruntan sin creativitad pretenda quai in agir agil ed orientà a la schliaziun. Quai provochescha, dentant fascinescha mai adina puspè danovamain.
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Ciprian Tuor
Responsabel informatica
058 136 32 02
davart il process d'annunzia
Daniel Wasescha
Responsabel resursas umanas e contabilitad
+41 58 136 30 27
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
