IT System Engineer (informaticher/-cra EFZ)
60-100%, Cuira
RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.
La partiziun tecnica tschertga per il sectur da la tecnologia ina nova collavuratura u in nov collavuratur.
Tge èn las incumbensas?
- porscher support (1st e 2nd level) per applicaziuns da producziun e sistems d'informatica
- tgirar e mantegnair infrastructura d'informatica el sectur da clients, servers, plattafurmas da virtualisaziun e colliaziuns da rait
- collavurar en projects d'informatica e sustegn tar projects da tecnologia audiovisuala
Tge spetgain nus?
- ina scolaziun d'informatica u ina scolaziun equivalenta
- interess vid novs svilups tecnologics e la prontadad da sa scolar vinavant
- cumpetenza da lavurar en atgna responsabladad
- savida ni experientscha cun tecnologias da producziun e medias èn d'avantatg
Tge offrin nus?
- spazi per innovaziun e svilup tecnic
- furmas da lavur fitg flexiblas (p.ex. homeoffice)
- scolaziun e furmaziun adattada a tes basegns
- ina lavur captivanta ed interessanta en ina branscha fitg dinamica
- la pussaivladad da surprender responsabladad
- in team giuven e motivà en in'interpresa moderna
“Sche bits e bytes fruntan sin creativitad pretenda quai in agir agil ed orientà a la schliaziun. Quai provochescha, dentant fascinescha mai adina puspè danovamain.”
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Ciprian Tuor
Responsabel informatica
+41 58 136 32 02
davart il process d'annunzia
Daniel Wasescha
Responsabel resursas umanas e contabilitad
+41 58 136 30 27
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
