Lavuratori FAR MEDIAS
ina sonda, a Cuira en la chasa RTR
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran 165 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Tge è il lavuratori FAR MEDIAS?
- Il lavuratori sa drizza a persunas ch'han gust da far dumondas, da retschertgar, rapportar, moderar ed experimentar
- Datas: 2 giadas l'onn, mintgamai ina sonda da las 8.30 fin 17.30
- Lieu ed autras infurmaziuns
Minimum 4 / maximum 8 participantas e participants
Il lavuratori FAR MEDIAS è gratuit
Tge spetgain nus?
- Absolventas ed absolvents da la maturitad gimnasiala u d'in emprendissadi che s'interessan per in praticum u stage (scolaziun accumpagnada superiura da schurnalissem a la MAZ).
- Interessentas ed interessents cun ina scolaziun solida ed experientscha da lavur che tschertgan ina nova sfida professiunala u ina plazza sco redactura u moderatur.
- Esser pli vegl che 18 onns
- Annunzia giavischada fin il pli tard duas emnas avant il termin dal lavuratori
Tge offrin nus?
Il cuntegn dal lavuratori è:- Curt input teoretic "Tge è schurnalissem?"
- Lavur individuala: producir ina contribuziun/novitad da radio
- Lavur en gruppa: producir ina contribuziun/film per multimedia
- Discurs persunal (intervista) ed elavurar questiunari
- Infurmaziuns sur da las offertas e pussaivladads da lavur che RTR porscha
- Gentar cuminaivel
- Ina schanza unica per fitgar pè en il mund da lavur dal schurnalissem
Ina schanza unica per vegnir en contact cun il schurnalissem. Mes univers per 360°!
Mes univers per 360°!
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Nossa posiziun
CONTACT
Anc dumondas?
davart la plazza
Martina Werro
Tutora
058 136 31 97
davart il process d'annunzia
Daniel Wasescha
Responsabel resursas umanas e contabilitad
058 136 30 27
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
