Lavuratori FAR MEDIAS
ina sonda, a Cuira en la chasa RTR
RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.
Tge è il lavuratori FAR MEDIAS?
Il lavuratori sa drizza a persunas che vulan dar in'egliada davos las culissas da RTR e guardar sche la lavur en il schurnalissem fiss insatge che plaschaDurant in entir di sas ti far experientschas al microfon, cun la camera, tschentar tut tias dumondas en connex cun lavurar tar RTR etc.
Nus purschain il lavuratori 2 giadas l'onn, mintgamai la primavaira e l'atun ina sonda da las 8.30 fin 17.30
Il proxim lavuratori FAR MEDIAS ha lieu ils 18 da favrer 2023
Annunzia giavischada fin il pli tard 10 dis avant il lavuratori
Il lavuratori ha lieu a Cuira en la Chasa RTR a la Via da Masans 2
Il lavuratori FAR MEDIAS è gratuit
Tge spetgain nus?
Da princip fitg pac, per daventar ina buna schurnalista u bun schurnalist dovri ina buna porziun motivaziun e bleras mirvegliasLa vegliadetgna minimala è 17 onns
Tge è il cuntegn dal lavuratori?
Input teoretic "Tge è schurnalissem?"Lavur individuala: producir ina contribuziun/novitad da radio
Lavur en gruppa: producir ina contribuziun/film per multimedia
Discurs persunal (intervista) ed elavurar questiunari
Infurmaziuns sur da las offertas e pussaivladads da lavur che RTR porscha
Gentar cuminaivel
Ina schanza unica per vegnir en contact cun il schurnalissem en in ambient fitg luc.
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
Tanja Derungs
Assistenta stab program
+41 58 136 30 87
infos generalas davart pussaivladads da lavur tar RTR
Daniel Wasescha
Responsabel resursas umanas e contabilitad
+41 58 136 30 27
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
