Fullscreen mode 360 Degrees
Nus essan là
nua che noss public è
Mes univers per 360°!
S'annunziar ussa

Praticanta / praticant digital marketing ed events
50-100%, Cuira

RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.

Per noss team da marketing, events e communicaziun tschertgain nus Tai.

Nus duvrain Tai per

  • sustegn dal team marketing ed events enfin il december 2022
  • planisar e realisar occurrenzas ed events
  • far enconuschent e vender nossa purschida da radio, tv ed online
  • concepziun e realisaziun da mesiras da marketing, p.ex. newsletters, mailings, content per la pagina rtr.ch

Has Ti

  • talent d'organisaziun ed amur per il detagl
  • gust da lavurar en il sectur da marketing ed events
  • in pensar creativ ed ideas surprendentas
  • in flair per la lingua (rumantsch e tudestg)
  • interess ed ina affinitad per las medias socialas
  • plaschair d'esser communicativA e da tgirar il dialog cun noss public

Nus purschain a Tai

  • projects ed occurrenzas fitg diversas per giuven e vegl
  • spazi per esser creativ, innovativ e lavurar autonom en ina branscha fitg dinamica
  • pussaivladad da far emprimas experientschas en quest sectur e da sa participar activamain
  • in team giuven e motivà che sa legra sin Tai - guarda il film


Tia annunzia prendain nus gugent encunter enfin ils 30-05-2022 era via telefon u mail. Tes documents ubain tes video d'annunzia pos Ti trametter era per tudestg. La plazza è limitada enfin ils 31-12-2022.
Nus essan là nua che noss public è. Ensemen cun Tai concepin, realisain e promovain nus occurrenzas e purschidas uschia multifaras sco noss public. Nus enconuschain noss public e ses interess ed ans engaschain da correspunder a quests basegns. Mes univers per 360°!

Tamara Deflorin, scheffa communicaziun

Mes univers per 360°!

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta. Nus essan: Mes univers per 360°!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Nossa posiziun

CONTACT

Anc dumondas?

davart la plazza
Tamara Deflorin
Scheffa communicaziun
tamara.deflorin@rtr.ch
+41 58 136 30 23

davart il process d'annunzia
Daniel Wasescha
Responsabel resursas umanas e contabilitad
+41 58 136 30 27

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: