Fullscreen mode 360 Degrees
Ina lavur captivanta
e varianta
Mes univers per 360°!
S'annunziar ussa

Redactura / redactur da musica
60-100%, Cuira

RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran 170 collavuraturas e collavuraturs en 30 differentas professiuns per infurmaziuns actualas, novitads regiunalas, sport, cultura e divertiment.

Quai è tia lavur

  • elavurar e raquintar istorgias musicalas en text, tun e maletg per ils differents vecturs da RTR
  • far registraziuns da musica da differents geners da musica (p.ex. en il sectur chant, musica instrumentala)
  • elavurar e preschentar nossas registraziuns da musica en emissiuns (audio e video)
  • collavurar en projects multimedials

Quai fa ora tai

  • esser ina persuna cun mirveglias
  • avair bunas enconuschientschas ed interess per differents geners da musica, idealmain cun in'affinitad speziala en il sectur dal chant da chors
  • avair gust dad esser en contact cun differenta glieud ed avair ina buna rait en la scena culturala dal Grischun
  • avair interess e gust da (co)lavurar cun novas tecnologias
  • avair plaschair da lavurar cun la lingua rumantscha
  • prontezza da lavurar la fin d'emna e la saira

Quai fa ora nus

  • ina lavur captivanta e varianta
  • in bun clima da lavur en in team motivà
  • scolaziun e furmaziun stattan a nus a cor
  • lavur en in'interpresa moderna ed innovativa, pussaivladad da far homeoffice
  • salarisaziun e prestaziuns socialas tenor il contract da lavur collectiv da la SRG SSR

Gugent spetgain nus tia annunzia enfin ils 7 da mars 2021
Noss job è dapli che lavur. Grazia a noss vast engaschi sin il sectur da musica avain nus il privilegi d'astgar documentar e purtar ora en il mund l'agir da la scena da musica rumantscha e grischuna. Quai è in'interessanta responsabladad mo era ina bella sfida. E procura sper ils bels intermezzos musicals che betg in singul di sumeglia l'auter. Mes univers per 360°!

Flavio Tuor, manader redacziun da musica

Mes univers per 360°!

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta. Nus essan: Mes univers per 360°!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Nossa posiziun

CONTACT

Anc dumondas?

davart la plazza
Flavio Tuor
Producent musica
+41 58 136 31 93

davart il process d'annunzia
Daniel Wasescha
Responsabel resursas umanas e contabilitad
+41 58 136 30 27

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: