Fullscreen mode 360 Degrees
Mintga di al puls
da l'actualitad
Mes univers per 360°!
S'annunziar ussa

Redactura / redactur online e novitads
60-100%, Cuira

RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran 165 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.

Quai èn Tias lavurs

Sco collavuratura u collavuratur da la squadra dal newsdesk redigias Ti novitads e publitgeschas quellas sin nossa pagina d'internet www.rtr.ch / legias quellas al radio. Per questa lavur dovri in grond plaschair e gust da lavurar en il mund da las medias ed interess per quai che capita surtut en il Grischun.

Cumenzament: tenor cunvegnientscha

Gugent spetgain nus tia annunzia en furma electronica

Quai portas Ti

  • ina buna savida generala
  • plaschair da lavurar cun la lingua rumantscha
  • mirveglias per differentas tematicas e savair sa focusar
  • affinitad da lavurar digital cun text, maletg e tun
  • prontadad da lavurar irregular
  • avertadad per midadas en general

Quai fa ora nus

  • RTR è al puls da l'actualitad
  • ina lavur captivanta e varianta
  • scolaziun e furmaziun stattan nus a cor
  • in bun clima da lavur en in team motivà
  • lavur en in'interpresa moderna ed innovativa
  • salarisaziun e prestaziuns socialas tenor il contract da lavur collectiv da la SRG SSR
Tge che capita damaun, na sa oz anc nagin. Uschia è la lavur en il newsdesk mintga di ina surpraisa. La sfida da mia lavur è da rapportar en furma curta, cumpacta e tuttina chapaivla dal pli nov che capita en Grischun e sin quest mund – saja quai al radio u sin rtr.ch. En pli sun jau er cunresponsabla per la cumparsa da la pagina rtr.ch, nua ch'igl è la sfida da manar noss public tras las pli differentas istorgias che RTR producescha. Mes univers per 360°!

Yvonne Simmen, redactura newsdesk

Mes univers per 360°!

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta. Nus essan: Mes univers per 360°!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Nossa posiziun

CONTACT

Anc dumondas?

davart la plazza
Valentin Schmed
Manader actualitad
+41 58 136 31 82

davart il process d'annunzia
Daniel Wasescha
Responsabel resursas umanas e contabilitad
+41 58 136 30 27

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: