Redactura / Redactur online e novitads
70%, Cuira
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran sur 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Tge èn las incumbensas?
- infurmar sin rtr.ch tge che curra e passa en il Grischun, en Svizra e sin l'entir mund
- leger las novitads al radio
- publitgar e vender a moda attractiva noss temas, noss rapports e nossas emissiuns
- rediger u far agens artitgels online cun text, tuns, maletgs e visualisaziuns
Tge spetgain nus?
- interess per temas actuals da las regiuns, dal Grischun e da la Svizra
- ina buna savida generala
- gust da lavurar en in team e surpigliar atgnas responsabladads
- in'affinitad da lavurar digitalmain cun text, maletg e tun
- gust d'emprender da lavurar cun differents sistems da software
- plaschair da lavurar cun la lingua e d'emprender rumantsch grischun
- a prontadad da lavurar irregularmain
Tge purschain nus?
- ina lavur fitg multifara al puls da l'actualitad
- la pussaivladad da s'approfundar en temas e collavurar cun autras redacziuns
- in bun clima da lavur en in'interpresa moderna ed innovativa
- pussaivladads da scolaziun e furmaziun
Tge che capita damaun, quai na sa oz anc nagin. Perquai è mia lavur mintga di tematicamain fitg varianta ed interessanta. Durant in di infurmesch jau per exempel il public che duas vischnancas han decis da fusiunar, transmet cun tuns e maletgs las emoziuns d'ina medaglia d'aur, fatsch udir co che l'ultima preschentaziun d'in toc da teater è stada e muss la cuntraversa d'in tema politic. E damai che jau poss sco redactura online era crear la cumparsa da la pagina rtr.ch, poss jau manar bain noss public tras quests pli differents temas.
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Valentin Schmed
Manader actualitad
valentin.schmed@rtr.ch
+41 58 136 31 82
davart il process d'annunzia
Flurina Foppa
Manadra resursas umanas
+41 58 136 31 08
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
