Redactura / Redactur reflexiun audio
40-60%, Cuira
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran sur 160 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Nus tschertgain ina redactura u in redactur per cumplettar las squadras da «Vita e cretta», «Marella» e «Profil».
Tge èn las incumbensas?
- far retschertgas schurnalisticas davart temas da la cultura, societad e religiun che muventan noss public
- contribuir cun tes products a debattas actualas latentamain e metter accents tematics surprendents
- surpigliar la responsabladad per la planisaziun, organisaziun e realisaziun da contribuziuns audio
Tge spetgain nus?
- affinitad e mirveglias, saja per las tematicas da reflexiun sco era per las differentas furmas radiofonicas e da storytelling
- capacitad da concepir e da realisar emissiuns da maniera cunresponsabla sco era prontadad da lavurar autonomamain
- interess per collavuraziuns surredacziunalas e prontadad da pensar e da contribuir a tut ils vecturs da RTR
- bunas qualitads communicativas e linguisticas
Tge offrin nus?
- ina lavur fitg variada en in team creativ
- lavur independenta cun la pussaivladad d'influenzar noss program
- temps e models da lavur flexibels cun pussaivladads da scolaziun e furmaziun
- cumenzament: idealmain il 1. favrer 2026
«En in mund, nua che tut va adina pli spert è la ‹Marella› la raschun per prender peda, per s'approfundar, per sviluppar in gieu tranter pleds, tuns e musica.»
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Anna Serarda Campell
Manadra reflexiun
+41 58 136 30 64
davart il process d'annunzia
Flurina Foppa
Manadra resursas umanas
+41 58 136 31 08
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
