Panorama RTR
Sentir mintga di
il puls da l'actualitad
S'annunziar ussa

Redactura u redactur Engiadina
40-100%, Samedan u Scuol

RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.

Quai è tia lavur

  • retschertgar, rapportar e metter a lieu tematicas cun il focus regiunal
  • concepir, planisar, producir e raquintar istorgias per ils differents chanals
  • etablir e tgirar ina rait da contacts per vegnir a temas (politica, economia, cultura)

Quai porschas ti

  • la qualitad d'esser mirveglius ed interessà a differentas tematicas e lavurs
  • interess e gust da lavurar cun novas tecnologias e furmas da raquintar
  • plaschair d'ir vers la glieud e l'abilitad da s'occupar da lur basegns
  • ina buna savida generala
  • la prontadad da lavurar irregular (saira/fin d'emna)
  • plaschair ed in flair per la lingua rumantscha

Gugent spetgain nus Tia annunzia fin ils 07-06-2023

Quai purschain nus

  • ina lavur captivanta e varianta cun potenzial da svilup
  • la pussaivladad da realisar atgnas ideas e dar novs impuls
  • in team innovativ, motivà cun la prontadad ed abilitad da dar sustegn in a l'auter (er novizs/ midacarrieras, introducziun cun vasta scolaziun)
  • in'interpresa attractiva, ancrada en la regiun cun bunas cundiziuns d'engaschament
«Tge che vegn a capitar damaun, quai na sa oz anc nagin.» Uschia è mia lavur mintga di ina surpraisa. Sco correspundenta en Engiadina sun jau en acziun en fitg differents lieus ed hai contact cun da tutta sort persunas en il Grischun dal sid.
Saja quai per rapportar d'occurrenzas culturalas, valitar debattas politicas u er per preschentar «perlas» localas ch'interessan a tai e mai.

Anna Caprez, producenta Engiadina

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta: Bainvegni en il mund da RTR!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Contact

davart la plazza
Valentin Schmed
Manader actualitad
valentin.schmed@rtr.ch
+41 79 620 49 56

davart il process d'annunzia
Daniel Wasescha
Responsabel resursas umanas e contabilitad
+41 58 136 30 27

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: