Redactura u redactur online
60% fin 100%, Cuira
RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.
Nus duvrain tai per
- infurmar sin rtr.ch tge che curra e passa sin quest mund e tge che dat da discutar (local, regiunal, chantunal e naziunal)
- publitgar e vender a moda attractiva noss temas, rapports e nossas emissiuns
- rediger u far agens artitgels online cun texts, tuns, maletgs e visualisaziuns
Tia annunzia prendain nus gugent encunter enfin ils 31 da mars 2023.
Has ti
- interess vi da temas actuals dals vitgs, da las regiuns, dal Grischun e da la Svizra
- ina buna savida generala
- gust da lavurar en in team cun er avair atgnas responsabladads
- gust d'emprender a lavurar cun differents sistems da software
- nagin problem da lavurar irregularmain (bun'ura, saira e fin d'emna) ed en situaziuns hecticas
- gust d'emprender rumantsch grischun e sas scriver en in idiom rumantsch
Nus purschain a tai
- ina lavur fitg varianta al puls da l'actualitad
- la pussaivladad da s'approfundar en temas e collavurar cun autras redacziuns
- in bun clima da lavur en in'interpresa moderna ed innovativa
- pussaivladads da scolaziun e furmaziun
- salarisaziun e prestaziuns socialas tenor il contract da lavur collectiv da la SRG SSR
"Tge che vegn a capitar damaun, quai na sa oz anc nagin". Uschia è mia lavur mintga di tematicamain fitg varianta ed interessanta. Durant in di infurmesch jau uschia per exempel il public che duas vischnancas han decis da fusiunar, transmet cun tuns e maletgs las emoziuns d'ina medaglia d'aur, fatsch udir co l'ultima preschentaziun d'in toc da teater è stada e muss la cuntraversa d'in tema politic. E damai ch'jau poss sco redactura online er crear la cumparsa da la pagina rtr.ch, poss jau er bain manar noss public tras quests pli differents temas.
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Valentin Schmed
Manader programmaziun
valentin.schmed@rtr.ch
+41 58 136 31 82
davart il process d'annunzia
Daniel Wasescha
Responsabel resursas umanas e contabilitad
daniel.wasescha@rtr.ch
+41 58 136 30 27
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
