Panorama RTR
Sentir mintga di
il puls dal Grischun
S'annunziar ussa

Redactura u redactur
60-100%, Cuira

RTR è la chasa da medias rumantscha: infurmativa, regiunala, divertenta, spiertusa, digitala ed audiovisuala – cun ina purschida per grond e pitschen, per Rumantschas e na Rumantschs.
165 collavuraturas e collavuraturs cun ils pli differents profils professiunals procuran per in program cumplessiv ch'accumpogna tras la vita. Fai era ti part da nossas squadras – nus ans legrain.

Quai è tia lavur

  • lavurar en il mund da las medias
  • rapportar da quai che capita surtut en il Grischun
  • retschertgar differentas tematicas: da politica sur cultura fin sport
  • raquintar istorgias sin ils differents chanals cun duvrar text, tun e maletg

Quai porschas ti

  • avair ina buna savida generala
  • esser mirveglius ed interessà/-ada per differentas tematicas
  • esser avert ed avair gust dad ir vers la glieud
  • avair in'affinitad per text, maletg e tun
  • avair ina tenuta averta e gust da lavurar cun novas tecnologias
  • avair plaschair da lavurar cun la lingua rumantscha

Gugent spetgain nus tia annunzia en furma electronica fin ils 15-02-2023

Quai purschain nus

  • RTR è al puls da quai che capita en il Grischun
  • ina lavur captivanta e varianta
  • scolaziun e furmaziun stattan a nus a cor
  • in bun clima da lavur en in team motivà
  • lavur en in'interpresa moderna ed innovativa
Betg in di è sco l'auter. Adina puspè novas tematicas, novas persunas, novs lieus e novas istorgias. Questa maschaida procura che nossa lavur na vegn betg lungurusa. Cun text, tun e purtrets creain nus di per di istorgias captivantas ch'infurmeschan e diverteschan noss public.

Valentin Schmed, manader programmaziun

Nossa purschida

Tge dovri per cuntanscher cun formats da gronda qualitad ils umans en Svizra? Savida d'experts, entusiassem ed in ambient inspirant sco er animant, en il qual tuts pon sa posiziunar e sa sviluppar vinavant. Per ch'ils megliers possian dar il meglier da sasez dovran els ina patria inspiranta: Bainvegni en il mund da RTR!

Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.

Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.

Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.

Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.

Noss mintgadi

Lieu da lavur

Contact

davart la plazza
Valentin Schmed
Manader programmaziun
+41 58 136 31 82

davart il process d'annunzia
Daniel Wasescha
Responsabel resursas umanas e contabilitad
+41 58 136 30 27

Lieu da lavur

    • RTR Radiotelevisiun Svizra Rumantscha
    • Masanserstrasse 2
    • 7000 Chur

Scuvrir dapli


Sfundrar en noss mund da lavur multifar:

Jobs & carriera

Ans suandai era sin: