Stagiaire tecnic
100%, Cuira
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran 165 collavuraturas e collavuraturs en 30 differentas professiuns per infurmaziuns actualas, novitads regiunalas, sport e divertiment.
Quai è tia lavur
- registrar maletgs e tuns cun camera e microfon
- tagliar e maschadar material da video ed audio, crear graficas
- producir cuntegns multimedials en reschia e studio
- producir live emissiuns ord chasa en furma da video ed audio
Quai fa ora tai
- avair in'affinitad per la tecnica d'audio e video
- esser mirveglius ed interessà/-ada per novas tecnologias furbras ed innovativas
- esser pront/pronta per sa scolar en il sectur multimedial
- esser avert/averta ed avair gust da lavurar en in team
Quai fa ora nus
- RTR è al puls da l'actualitad
- ina lavur captivanta e varianta
- scolaziun e furmaziun stattan nus a cor
- in bun clima da lavur en in team motivà
- lavur en in'interpresa moderna ed innovativa
- salarisaziun e prestaziuns socialas tenor il contract da lavur collectiv da la SRG SSR
termin d'annunzia: 30 d'avrigl 2022
“Vid il stage tecnic ha fascinà mai il pli fitg il ferm connex pratic en cumbinaziun cun ina scolaziun externa. Uss sai jau esser la punt tranter tecnica e schurnalissem cun filmar e tagliar contribuziuns da cultura, politica e sport.” Mes univers per 360°!
Mes univers per 360°!
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Nossa posiziun
CONTACT
Anc dumondas?
davart la plazza
Conrad Schlosser
Responsabel producziun tecnica
+41 58 136 31 80
davart il process d'annunzia
Daniel Wasescha
Responsabel resursas umanas e contabilitad
+41 58 136 30 27
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
