Redactura / Redactur Surselva
80-100%, Mustér & Glion
RTR è in'unitad d'interpresa da la SRG SSR e la chasa da medias per la Svizra rumantscha. Di per di procuran passa 160 collavuraturas e collavuraturs en 30 differentas professiuns per infurmaziuns actualas, novitads regiunalas, rapportaziuns da sport e divertiment.
Nus tschertgain ina persuna per cumplettar nossa redacziun regiunala.
Tge èn las incumbensas?
- retschertgar, rapportar e metter a lieu las differentas tematicas da la regiun
- concepir, planisar, producir e raquintar istorgias – audio, video e text
- tgirar la rait da contacts per vegnir a savair temas (politica, economia, cultura e societad)
Tge spetgain nus?
- mirveglias ed interess per differentas tematicas e lavurs
- ina buna savida generala e bunas enconuschientschas da la Surselva
- il plaschair dad ir vers la glieud e l'abilitad da mussar interess per lur basegns
- experientschas schurnalisticas èn d'avantatg
- la prontadad da lavurar irregularmain (saira/fin d'emna) ed autonomamain
- pudair lavurar en situaziuns hecticas e resguardar termins
- avair plaschair ed in flair per la lingua
Tge offrin nus?
- ina lavur fitg varianta en la regiun ch'è fitg datiers a noss public
- in bun clima da lavur en in'interpresa moderna ed innovativa
- temps e models da lavur flexibels cun pussaivladads da scolaziun e furmaziun
- cumenzament per immediat u tenor cunvegna
Tia annunzia prendain nus gugent encunter fin ils 31 da matg 2025.
«Tegnair avert ils egls, dumandar, tadlar, valitar, metter a lieu, raquintar a moda simpla e correcta. Quai èn lavurs d'ina redactura e d'in redactur – per mai in job superinteressant.»
Nossa purschida
Schurnalissem da qualitad è nossa fatschenta principala e nossa passiun. Nus essan redacziunalmain libers, promovain la creativitad e purschain bler spazi per concepir chaussas novas e d'auta qualitad.
Il schurnalissem da qualitad è tar nus era digital. Perquai sondain nus novas pussaivladads ed experimentain cun novas furmas e novs formats: digital, interactiv e crossmedial. Nus concepin al puls dal temp ed al gnerv dal public.
Nus inscuntrain in l'auter a moda colleghiala, lavurain autonom e gidain individualmain a furmar noss clima da lavur. Noss success sa basa era sin las fermezzas persunalas e sin las qualitads professiunalas da tuttas collavuraturas e tuts collavuraturs.
Nus cuntanschain e muventain cun noss programs l'entira Svizra. Nus agin cun respect ed a moda independenta; uschia promovain nus la furmaziun da l'opiniun e rinforzain la diversitad. Nus essan loschs da nossa lavur e da nossa contribuziun a la Svizra.
Noss mintgadi
Lieu da lavur
Contact
davart la plazza
Valentin Schmed
Manader actualitad
+41 58 136 31 82
davart il process d'annunzia
Flurina Foppa
Manadra resursas umanas
+41 58 136 31 08
Lieu da lavur
- RTR Radiotelevisiun Svizra Rumantscha
- Masanserstrasse 2
- 7000 Chur
